• ХАЯГ : Улаанбаатар 13373, Баянзүрх дүүрэг, 6-р хороо, 13-р хороолол, "BARILGA.MN" оффис, 5-р давхар
  • 70113333 99000981
Товч танилцуулга
Менежертэй холбоо барих
Танилцуулга

Монгол Улсад Орчин цагийн барилгын салбар үүсэн байгуулагдсаны 93 жилийн ой, Барилгачдын баярыг тохиолдуулан, барилгын салбарын хөгжил дэвшлийг олон нийтэд танилцуулдаг "Барилга орон сууц-2019” олон улсын үзэсгэлэн яармаг 12 дахь жилдээ 2019 оны 9-р сарын 6-8-ны өдрүүдэд “Мишээл экспо” төвд болно.

Энэхүү үзэсгэлэн яармаг нь барилгын салбарынхан буюу ханган нийлүүлэгч, үл хөдлөх хөрөнгийн төсөл хэрэгжүүлэгч, орон сууц борлуулагч, барилгын материалын худалдаа эрхлэгчид, дэвшилтэт техник технологи нэвтрүүлэгч, интерьер дизайн, зураг төсөл, архитектур, амины орон сууц барьдаг байгууллага, аж ахуйн нэгжүүдийнхээ хийж, хэрэгжүүлсэн ажлыг хэрэглэгчид, зорилтот худалдан авагчдад танилцуулж, холбох гүүр нь болдгоороо онцлогтой. Цаашилбал, оролцогч байгууллага, аж ахуйн нэгжүүдээ зорилтот зах зээлд үйлчилгээгээ сурталчлан худалдан авагчидтай нүүр тулан уулзаж, хэрэглэгчийн санал бодлыг сонсч судалгаа авах, бизнесийн хамтын ажиллагаа, хүрээгээ өргөжүүлэх гээд олон боломжийг олгодог тул барилгын салбарынхан маань андахгүй билээ.

Өнгөрсөн 11 жилийн үзэсгэлэн яармагийн судалгаанаас харахад жил ирэх тусам оролцогч байгууллагын зэрэгцээ үзэгчдийн тоо нэмэгдсээр ирсэн. Мөн үзэсгэлэн яармагийн үеэр төрийн болон төрийн бус байгууллагууд, хувийн хэвшлийнхний уулзалт, семинарыг зохион байгуулахын зэрэгцээ оролцогч байгууллагууд өөрсдийн бүтээгдэхүүн, үйлчилгээгээ танилцуулсан арга хэмжээг тогтмол зохион явуулдаг.

Иймээс иргэд, олон нийт орон сууц худалдан авах нь эрс нэмэгддэг зах зээлийн хамгийн таатай нөхцөл боломж бүрддэг энэ л цаг үед хэрэглэгчдэдээ бизнесээ таниулах, тэлэх боломж олгодог "Барилга, орон сууц-2019" олон улсын үзэсгэлэн яармагт оролцохыг урьж байна.  

“БАРИЛГА, ОРОН СУУЦ-2019” үзэсгэлэн яармагийн зохион байгуулах хороо

Холбоо барих утас: 70113333, 99000981



 

Дэлгэрэнгүй

Мэдээ мэдээлэл